İngiltərə kubokunun 1/8 fiinalında “Peterboro Yunayted”lə keçirilən matçda “Mançester Siti”ni meydana kapitan sarğısı ilə ukraynalı futbolçu Aleksandr Zinçenko çıxarıb. Corner.az xəbər verir ki, əsas kapitan Fernandinyo oyunun start fitindən əvvəl kapitanlıq sarğısını çıxardaraq ukraynalı futbolçunun qoluna taxıb.
Bununla o, ölkəsi Rusiyanın hücumuna məruz qalan 25 yaşlı ukraynalı yarımmüdafiəçiyə dəstək olub. Zinçenko ilk dəfə meydana kapitan sarğısı ilə çıxıb.
Oyun “Mançester Siti”nin 2:0 hesablı qələbəsiylə başa çatıb və “şəhərlilər” 1/4 finala yüksəlib.