Tuçel Abramoviçin Çelsi'dən ayrılmasını şərh etdi

"Çelsi”nin baş məşqçisi Tomas Tuçel Roman Abramoviçin klubu satmaq qərarını şərh edib.

Corner.az İngiltərə mətbuatına istinadən xəbər verir ki, almaniyalı mütəxəssis bundan narahat olmadıqlarını bildirib:

“Bu, böyük xəbərdir, böyük dəyişiklikdir. Biz hələ klubda bu barədə danışmamışıq. Sadəcə vəziyyəti qəbul etmişik.

Bu məsələdə mənim mövqeyim nədir? Mən icraçı direktor və ya idarə heyətinin üzvü deyiləm. Əminəm ki, klub rəhbərliyi vəziyyəti bizimlə və futbolçularla müzakirə edəcək.

Mən bundan çox narahat deyiləm. Ən yaxşısına ümid edirəm və inanıram. Mən təsir edə bilməyəcəyim şeylərə görə narahat olmuram. Amma heç vaxt dəyişiklikdən də qorxmamışam”.