Super Liqa layihəsinin öldüyünə inanmıram

“Mançester Yunayted”in və İngiltərə millisinin sabiq müdafiəçisi Qari Nevill Avropa Super Liqası haqda danışıb.

Corner.az “Daily Mail”ə istinadən xəbər verir ki, 47 yaşlı keçmiş futbolçu, Super Liqa layihəsinə qoşulan klubların öz ciblərini düşündüklərini deyib:

“Avropa Super Liqası yenidən geri qayıdır. Avropanın top-klubları daha çox pul qazanmaq istəyirlər. Onlar özlərinin sərvətlərini artırmağı düşünürlər. Super Liqa layihəsi geri dönəcək mən o ideanın öldüyünə inanmıram. O, yeni formada qayıdacaq. Amma reallıq odur ki, bu ideyanın dəstəklənəcəyini düşünmürəm çünki azarkeşlər bunu istəmirlər”.

Ötən il aprelin 18-də “Mançester Yunayted”, “Mançester Siti”, “Arsenal”, “Liverpul”, “Tottenhem”, “Çelsi”, “Real”, “Barselona”, “Atletiko”, “Yuventus”, “Milan” və “İnter” klubları Avropa Super Liqasını yaratdıqlarını açıqlasalar da sonradan “Real”, “Barselona” və “Yuventus”dan başqa, digər klublar turnirdən imtina ediblər.