- İngiltərə P.L.
- 23:46 06.12.2025
"Three" telekommunikasiya və mobil operator şirkəti "Çelsi" klubu ilə sponsorluq anlaşmasını müvəqqəti olaraq dayandırıb.
Corner.az xəbər verir ki, şirkət öz brendinin loqosunun komandanın formalarından və stadiondan silinməsini tələb edib.
Qeyd edək ki, "Three" 2020-ci ildən etibarən klubla əməkdaşlıq edirdi və razılığa əsasən "Çelsi"yə hər il 40 milyon funt-sterlinq ödəməli idi.
Əlavə edək ki, London təmsilçisinin sahibi, rusiyalı iş adamı Roman Abramoviç Rusiyanın Ukraynaya hərbi müdaxiləsinə görə İngiltərədə ciddi sanksiyalara məruz qalıb.
