“Mançester Yunayted”in yarımmüdafiəçisi Bruno Fernandesin koronavirusa yoluxub. Corner.az xəbər verir ki, portuqaliyalı futbolçunun testinin nəticəsi müsbət çıxıb.
27 yaşlı futbolçunun Çempionlar Liqasının 1/8 final mərhələsinin “Atletiko” ilə cavab oyununda iştirakı sual altındadır.
Bu barədə “qırmızı şeytanlar”ın baş məşqçisi Ralf Ranqnik məlumat verib. “Mançester Yunayted”də bir neçə gün əvvəl qapıçı David De Xeanın da koronavirus testinin nəticəsi müsbət çıxmışdı.
“Mançester Yunayted” - “Atletiko” matçı sabah keçiriləcək və saat 00.00-da başlayacaq. İlk oyunda 1:1 hesabı qeydə alınıb.
