Keyn Aqueronun rekordunu təkrarladı

"Tottenhem"in futbolçusu Harri Keyn İngiltərə Premyer Liqasında mart ayının ən yaxşısı seçilib.

Corner.az-ın məlumatına görə, 7-ci dəfə bu ada layiq görülən 28 yaşlı hücumçu "Mançester Siti"nin sabiq futbolçusu Serxio Aqueronun rekordunu təkrarlayıb.

İngiltərəli futbolçu səsvermədə "Liverpul"dan Endryu Robertsonu, "Aston Villa"dan Metti Keşi, "Çelsi"dən Trevo Çaloba və Kay Havertsi, "Arsenal"dan Bukayo Sakanı, "Brentford"dan Ayvan Tounini, həmçinin komanda yoldaşı Deyan Kuluşevskini qabaqlayıb.

Qeyd edək ki, Harri Keynötən ay meydana çıxdığı 4 çempionat matçında eyni sayda qol vurub və 2 məhsuldar ötürmə edib.