"Liverpool" yorğun deyil - Klopp
"Liverpool"un baş məşqçisi Jurgen Klopp komandasının mövsümün həlledici hissəsi üçün hazırlığını dəyərləndirib.
Corner.az klubun rəsmi saytına istinadən xəbər verir ki, almaniyalı mütəxəssis futbolçuların yorğun olmadığını bildirib: "Yorğun deyilik. Qarşıda bizi mövsümün həlledici hissəsi gözləyir. Həm Çempionlar Liqası, həm də Premyer Liqada çempionluq uğrunda mübarizə aparırıq. Bu, bizim uğurumuzun göstəricisidir. Hələlik məşqlərimiz yüngül keçir. Futbolçuları çox yükləyə bilmərik. "Barcelona" ilə oyuna qədər vaxtımız var. Ona kimi "Cardiff City" və "Huddersfield"lə matçlarımız olacaq. Digərləri kimi, həmin görüşlər də bizim üçün vacibdir".
Qeyd edək ki, "Liverpool" "Cardiff City" ilə bu gün qarşılaşacaq.
