Futbol üzrə İngiltərə Premyer Liqasında əvvəlki turlardan təxirə salınmış oyunlar keçirilib. Corner.az xəbər verir ki, bu gün dörd qarşılaşma baş tutub.
Ən maraqlı görüşlərdən biri Londonda keçirilib. Burda "Çelsi" doğma meydanda “Arsenal”la qarşılaşıb. Altı qolun qeydə alındığı London derbisində “topçular” inamlı qələbə qazanıb.
Çempionluq uğrunda mübarizə aparan “Mançester Siti” doğma meydanda “Brayton”u qəbul edib və 3 cavabsız qolla 3 xal qazanaraq yenidən zirvəni ələ keçiriblər.
“Everton” doğma meydanda “Lester Siti”ni qəbul edib. Bu görüşdə qalib müəyyənləşməyib. “Nyukasl” isə doğma meydanda “Kristal Pelas”a minimal hesabla qalib gəlib.
İngiltərə Premyer Liqası
20 aprel
18-ci tur
Everton – Lester Siti 1:1
Qol: Riçarlison, 90+2 – Barnes, 5.
25-ci tur
Çelsi – Arsenal 2:4
Qol: Verner, 17. Aspilikueta, 32 – Nketia, 13; 57. Smit Rou, 27. Saka, 90+2.
30-cu tur
Nyukasl – Kristal Pelas 1:0
Qol: Almiron, 32.
Mançester Siti – Brayton 3:0
Qol: Mahrez, 53. Foden, 65. B.Silva, 82.
