“Çelsi” ötən gecə İngiltərə Premyer Liqasının 25-ci turundan təxirə salınmış oyunda evdə “Arsenal”a 2:4 hesabı ilə uduzub. Corner.az xəbər verir ki, bu məğlubiyyət Tomas Tuçelin komandasının “Stemford Bridc”dən ardıcıl üç oyun məğlub ayrılmasıdı.
“Zadəganlar” daha əvvəl Çempionlar Liqasının 1/4 final mərhələsində “Real”a (1:3), sonra Premyer Liqanın 31-ci turunun matçında “Brentford”a 1:4 hesabı ilə məğlub olmuşdu.
1989-cu ilin dekabrından bəri “Çelsi” evdə ardıcıl üç və ya daha çox qol buraxmamışdı. Komanda o vaxt “Uimbldon” və “Liverpul”a 2:5 hesabı ilə uduzub.
Bundan əlavə, London klubu 1993-cü ilin noyabrından bəri ilk dəfə bütün yarışlarda ardıcıl 3 ev məğlubiyyətini yaşayıb.
“Çelsi” Premyer Liqada 31 matçdan sonra 62 xalla üçüncü yerdədir.
