Liverpul Salah'ı satır

İngiltərənin "Liverpul" klubu futbolçusu Məhəmməd Salahla yollarını ayıra bilər.

Corner.az "Goal" nəşrinə istinadən xəbər verir ki, 29 yaşlı hücumçu 2023-cü ildə başa çatacaq müqaviləsinin uzadılmasına razılıq verməyib.

Mersisayd təmsilçisi bu səbəbdən yayda misirli futbolçunu satmağı nəzərdən keçirir. "Liverpul" Salahı klubdan azad agent kimi tərk etməsini istəmədiyi üçün müəyyən məbləğdə satmağı planlaşdırır.

Qeyd edək ki, Məhəmməd Salah 2017-ci ildən "Liverpul"da çıxış edir. Hücumçu cari mövsüm Premyer Liqada 22 qol və 13 məhsuldar ötürmə ilə yadda qalıb.