“Manchester City” və Guardioladan rekord

“Manchester City” İngiltərə Premyer Liqasının 31-ci turundan təxirə salınmış oyunda “Manchester United”i məğlub edib.

Corner.az “Opta”ya istinadən xəbər verir ki, 2:0 hesabıyla qələbə qazanan “şəhərlilər” yeni rekorda imza atıb.“Manchester City” bu mövsüm bütün turnirlər daxil olmaqla 157 qol vurub. Bu, “şəhərlilər”in klub tarixində bir mövsümdə vurulan ən çox qoldur. Bundan əvvəlki rekord 156 qolla, 2013/14 mövsümündə qeydə alınmışdı.

Pep Guardiolanın rəhbərlik etdiyi kollektiv ardıcıl 3 mövsümdür ki, Premyer Liqada “Manchester United”i səfərdə məğlub edir. İspaniyalı  mütəxəssisdən əvvəl heç kim bunu bacara bilməyib.