Futbol üzrə İngiltərə Premyer Liqasını tərk edəcək ikinci komanda müəyyənləşib. Corner.az xəbər verir ki, “Uotford” da növbəti mövsümdə elitada mübarizə aparmaq hüququnu itirib.
Buna sözügedən komandanın 36-cı tur çərçivəsində səfərdə “Kristal Pelas”a 0:1 hesablı məğlub olması səbəb olub. Bu məğlubiyyətdən sonra 22 xala malik “Uotford” 20 iştirakçı arasında 19-cu pillədə qalıb. Sözügedən kollektiv qalan oyunlarında qələbə qazansa belə, 17-ci pilləyə yüksəlmək şansını itirib.
Xatırladaq ki, daha öncə “Norviç Siti”nin də elitanı tərk edəcəyi dəqiqləşmişdi. Bu komanda 21 xalla sonuncu pillədə qərarlaşıb.