“Çelsi”nin baş məşqçisi Tomas Tuçel İngiltərə Premyer Liqasının 36-cı turunun “Vulverhempton”la oyunundan (2:2) sonra futbolçularının istirahət gününü ləğv etməsini şərh edib. Corner.az xəbər verir ki, alman mütəxəssis, bazar günü gözlənilən istirahət gününü məcburi ləğv etdiyinə görə hazırda komanda da çox bəyənilmədiyini deyib:
“Hər zaman sevilmək istəyirsənsə, yüksək səviyyəli baş məşqçi olmamalısan.Bu, baş verməyəcək. Hazırda yəqin ki, komandada sevilən biri deyiləm. Əksər oyunçular 30 dəqiqə danışmağı və son oyunu izləməyi gözləyirdilər. Bazar günü niyə toplaşdıqlarını başa düşdükdən sonra bunu qəbul etdilər. İstirahət günümü də ləğv etdiyim üçün mənə də bir gün istirahət günü lazımdır. Bazar günü üçün planlarım var idi, lakin onlar da ləğv edilməli oldu. Belə şeylər olur. Günorta saat 1-də gənclər komandasının oyunu var idi və bir çox “Çelsi” oyunçusu onu izləmək üçün qaldı. Komanda məsuliyyəti öz üzərinə götürür və mənim xoşuma gələn budur”.
