Salah "Liverpool"un tarixinə düşdü

"Liverpool"un futbolçusu Məhəmməd Salah Premyer Liqanın 36-cı turunda "Huddersfield"lə matçda İngiltərə təmsilçisinin tarixinə düşüb.

Corner.az xəbər verir ki, 27 yaşlı futbolçu həmin oyunda iki qol vurmaqla yeni rekorda imza atıb. Misirli futbolçu "mersisaydlılar"ın heyətində 100-cü matçında 69-cu qolunu vurub. Bu isə klub tarixində ən yaxşı nəticədir.

Daha əvvəl Rodjer Hant (1959-1969) və Sem Reybould (1900-1907) ilk 100 oyunda 68 qolla yadda qalıb. 

Qeyd edək ki, "Huddersfield"la qarşılaşma "Liverpool"un 5:0 hesablı qələbəsi ilə yekunlaşıb.27 yaşlı futbolçu həmçinin Premyer Liqada 21 qolla bombardirlər siyahısına başçılıq edir.