Rusiyalı idman direktoru da Çelsi'dən ayrılır

İngiltərənin "Çelsi" klubu rusiyalı idman direktoru Marina Qranovskaya ilə yollarını ayıracaq.

Corner.az "Sport Bild"ə istinadən xəbər verir ki, 47 yaşlı funksioner avqustda London təmsilçisi ilə vidalaşacaq.

İspaniyanın "Atletiko" (Madrid) klubunda müvafiq postu tutan Andrea Bertanın onu əvəzləyəcəyi gözlənilir.

Qranovskayanın gedişindən sonra əsas transferlərlə bağlı bütün vacib qərarları "zadəganlar"ın baş məşqçisi Tomas Tuçel verəcək.

Qeyd edək ki, Marina Qranovskaya "Tuttosport" nəşrinin versiyasına əsasən, 2021-ci ildə Avropanın ən yaxşı futbol meneceri seçilib. Mayın 26-da isə rusiyalı iş adamı Roman Abramoviç "Çelsi"ni ABŞ konsorsiumuna satıb.