Ronaldo Mançester Yunayted'ə qayıtdı

İngiltərənin "Mançester Yunayted" klubunun futbolçusu Kriştiano Ronaldo komandaya qayıdıb.

Corner.az “The Athletic”-ə istinadən xəbər verir ki, portuqaliyalı futbolçunun tezliklə “qırmızı şeytanlar”la gələcəyini komandanın baş məşqçisi Erik ten Haqla müzakirə edəcəyi gözlənilir.

Daha əvvəl “Daily Mail” iddiasına görə, Kriştiano Ronaldo “Atletiko”ya keçməyə hazırdır. Madrid klubunun 37 yaşlı hücumçunun transfer etmək üçün hücumçusu Antuan Qrizmannla yollarını ayırmağa hazır olduğu da vurğulanmışdı.

Portuqaliya millisinin üzvünün İngiltərə klubu ilə müqaviləsi 2023-cü ilə qədərdir.

Ronaldo 2021-ci ilin avqustunda “Mançester Yunayted”ə qayıdıb. O, ötən mövsüm “qırmızı şeytanlar”ın heyətində bütün turnirlərdə 37 oyuna çıxıb, 24 qol vurub və 3 məhsuldar ötürmə verib.