Hərəyə 1 qolla 1 xal

İngiltərə Premyer Liqasında 10-cu tura yekun vurulub. Corner.az xəbər verir ki, son gündə bir qarşılaşma baş tutub.

“Nottingem Forest” doğma meydanda “Aston Villa”nı qəbul edib. Tərəflər bu oyundan hərəyə 1 qol və 1 xalla ayrılıblar.

10 turdan sonra 24 xala malik “Arsenal” vahid liderdir. “Mançester Siti” 23 xalla 2-ci, “Tottenhem” 20 xalla 3-cüdür. 4-cü pillədəki “Çelsi”nin 16, 5-ci yerdəki “Mançester Yunayted”in 15 xalı var. Uğursuz mövsüm keçirən “Liverpul” 10 xalla 10-cu sırada qərarlaşıb.

İngiltərə Premyer Liqası
10-cu tur
8 oktyabr

Bornmut – Lester Siti 2:1
Qol: Billinq, 67. Kristi, 71 – Daka, 10.

Çelsi – Vulverhempton 3:0
Qol: Haverts, 45+3. Pulişiç, 54. Broxa, 89.

Mançester Siti – Sauthempton 4:0
Qol: Kanselo, 20. Foden, 32. Mahrez, 49. Haland, 65.

Nyukasl – Brentford 5:1
Qol: Gimaraeş, 21; 56. Mörfi, 28. Almiron, 82. Pinnok, 90-öz qapısına – Toni, 54.

Brayton – Tottenhem 0:1
Qol: H.Keyn, 22.

9 oktyabr

Kristal Pelas – Lids 2:1
Qol: Eduard, 24. Eze, 76 – Streyk, 10.

Vest Hem – Fulhem 3:1
Qol: Bouen, 29. Skamakka, 62. M.Antonio, 90+1 – A.Pereyra, 5.

Arsenal – Liverpul 3:2
Qol: Martinelli, 1. Saka, 45+5; 76-pen – Nunes, 34. Firmino, 53.

Everton – Mançester Yunayted 1:2
Qol: İvobi, 5 – Antoni, 15. Ronaldo, 44.

10 oktyabr

Nottingem Forest – Aston Villa 1:1
Qol: Dennis, 15 – Yanq, 22.