İngiltərənin “Vulverhempton” klubu ciddi itki ilə üzləşib. Corner.az xəbər verir ki, "canavarlar"ın hücumçusu Pedro Neto sıradan çıxıb.
O, Premyer Liqanın 9-cu turu çərçivəsində baş tutan “Vest Hem”lə səfər matçında (0:2) zədə almışdı. Müayinələrdən sonra 22 yaşlı futbolçunun zədəsinin ciddi olduğu müəyyənləşib. Portuqaliyalı futbolçunun topuğundan aldığı zədə səbəbindən əməliyyat olunacağı diqqətə çatdırılıb.
Portuqaliya yığmasının da üzvü olan oyunçunun bərpa müddəti açıqlanmayıb. Amma onun DÇ-2022-də iştirak etməyəcəyi dəqiqdir.
