İngiltərənin "Mançester Yunayted" klubu hücumçusu Kriştiano Ronaldonu heyətdən kənarlaşdırıb. Corner.az xəbər verir ki, bu barədə klubun mətbuat xidməti məlumat yayıb.
37 yaşlı futbolçu Premyer Liqanın 13-cü turunda "Çelsi" ilə keçiriləcək oyun üçün heyətə daxil edilməyib.
Buna səbəb portuqaliyalı ulduz hücumçunun intizamsız davranışları olub. Ronaldo Premyer Liqanın 12-ci turunda "Tottenhem"lə keçirilən görüşün 89-cu dəqiqəsində stadionu tərk edib. Onun həmin oyunun gedişində meydana daxil olmaqdan imtina etməsi ilə bağlı xəbərlər də yayılıb. Bu üzdən də məşqçilər korpusu ulduz futbolçunu belə bir qərarla cəzalandırmağa qərar veriblər.
