“Liverpul”un hücumçusu Məhəmməd Salah İngiltərə Premyer Liqasının XV turunda “Tottenhem” üzərində qazanılan qələbəni şərh edib.
Corner.az-ın xəbərinə görə, görüşdə dubla imza atan misirli futbolçu "Tottenhem"in çətin rəqib olduğunu bildirib: “Yaxşı oynadıq, iki qol vura bildik. İkinci hissədə yenə qol vura bilərik, amma bəxtimiz gətirmədi. Ən əsası odur ki, üç xalı götürə bildik. “Tottenhem” istər səfərdə, istərsə də evdə həmişə çətin rəqibdir. Amma mən həmişə oyuna köklənmişəm və komandaya xeyir verməyə çalışıram. Bu gün mən bunu bacardım”.
Qeyd edək ki, “Liverpul” səfər matçında “Tottenhem”i 2:1 hesabı ilə məğlub edib.
