İngiltərənin "Mançester Yunayted" klubu hücumçusu Kriştiano Ronaldonun "Talk TV"yə verdiyi qalmaqallı müsahibə ilə bağlı bəyanat yayıb. Corner.az xəbər verir ki, 37 yaşlı futbolçunun ittihamlarına bütün faktlar nəzərdən keçirildikdən sonra cavab veriləcəyi bildirilib:
“Hazırda əsas məqsədimiz mövsümün ikinci yarısına hazırlaşmaq, oyunçular, agentlər, heyət və azarkeşlər arasında qurulan inamı və birliyi qoruyub saxlamaqdır”.
Xatırladaq ki, portuqaliyalı oyunçu müsahibəsində "Mançester Yunayted"in ona xəyanət etdiyini, klubda bəzi şəxslər tərəfindən sevilmədiyi ilə yanaşı baş məşqçi Erik ten Haqın ona hörmət etmədiyini söyləyib.
