“Liverpul” İngiltərə Premyer Liqasının 19-cu turunda səfərdə “Brentford”a məğlub olub (1:3). Corner.az saytı xəbər verir ki, Mersisayd təmsilçisi 85 ildən sonra ilk dəfə rəqibinə uduzub.
“Brentford” buna qədər sonuncu dəfə 1938-ci ildə “Liverpul” üzərində qələbə qazanmışdı. Həmçinin “mersisaydlılar”ın ardıcıl 4 oyunluq qələbə seriyası da başa çatıb.
Qeyd edək ki, hazırda “Liverpul” 28 xalla 6-cı, “Brentford” isə 26 xalla 7-ci pillədə qərarlaşır.
