"Mançester Yunayted" İngiltərə Premyer Liqasının 19-cu turunda "Bornmut"u (3:0) məğlub edib. Corner.az xəbər verir ki, bütün turnirlərdə ardıcıl altıncı qələbəsini qazanan Erik ten Haqın komandası son 5 ilin ən böyük uğuruna imza atıb.
"Qırmızı şeytanlar" sonuncu dəfə 2017-ci ildə Joze Mourinyonun rəhbərliyi altında oxşar uğura sevinmişdi.
“Bornmut"a qollardan birini Markus Raşford vurub. O, ardıcıl dördüncü matçda rəqiblərin qapısına zərbə endirib. Bu isə onun karyerasında ilk olub.
