“Mançester Yunayted” İngiltərə kubokunun 1/32 finalında “Everton”a 3:1 hesabıyla qalib gəlib. Corner.az xəbər verir ki, bu qarşılaşmada fərqlənən Markus Reşford “qırmızı şeytanlar”ın keçmiş futbolçusu Ueyn Runinin tarixi rekordunu təkrarlayıb.
25 yaşlı futbolçu 2012-ci ilin aprelindən sonra ardıcıl 7 ev oyununda qol vuran ilk “Mançester Yunayted” futbolçusu olub. Daha əvvəl Runi bu uğura imza atmışdı.
İngilis oyunçu bu mövsüm Premyer Liqa təmsilçisinin heyətində bütün turnirlər daxil olmaqla 24 oyuna çıxıb, 13 qol vurub və 6 məhsuldar ötürmə edib.
