Qvardiola: Bizim üçün pis gecə idi

“Mançester Siti”nin baş məşqçisi Pep Qvardiola İngiltərə Liqa Kubokunda “Sauthempton”a 0:2 hesabı ilə uduzduqları oyundan danışıb. Corner.az xəbər verir ki, ispaniyalı çalışdırıcı zəif çıxış etdiklərini bildirib.   

“Daha güclü komanda qalib gəldi. Əvvəldən zəif oynadıq. Çox oyun var ki, yaxşı başlayırsınız, amma sonda rəqib sevinən tərəf olur. Oynamağa hazır olmayanda gecikirsən və qol fürsətlərindən yararlana bilmirsən. Hazır olanda isə qol vura bilirsən. Bizim üçün pis gecə idi, rəqib daha yaxşı oynayıb qələbə qazandı və ona görə də təbrik etməliyik” – deyə, Qvardiola vurğulayıb.

Qeyd edək ki, “Mançester Siti” “Sauthempton”la oyunda qapıya bir zərbə belə vura bilməyib.