Belə oyunla şansımız yox idi

“Tək nəticə deyil, oyun da çox məyusedicidir”. Corner.az xəbər verir ki, bunu “Mançester Siti”nin futbolçusu İlkay Gündoğan deyib.

İngiltərə Liqa Kubokunun 1/4 finalında “Sauthempton”a uduzarmağı şərh edən 32 yaşlı yarımmüdafiəçi komandasının aqressiv oyun göstərə bilmədiyini söyləyib: “Bu nəticə şübhəsiz ki, bizim istədiyimiz deyil. Kubokda daha da irəli getmək ümidimiz var idi, amma belə oyunla şansımız yox idi. Kifayət qədər aqressiv olmadıq, ikili mübarizələrdə uduzduq, rəqibə  oynamaq imkanı verdik. Topla çox səhv etdik, topu rəqibə çox asanlıqla verdik və bu da iki qol buraxmağımıza səbəb oldu”.

Qeyd edək ki, “Sauthempton”a 0:2 hesabı ilə məğlub olan “Mançester Siti” Liqa kubokunda mübarizəni dayandırıb.