Onlardan belə mübarizə gözləmirdim

"Mançester Siti”nin baş məşqçisi Pep Qvardiola İngiltərə Federasiya kubokunun 1/16 final mərhələsinin “Arsenal”la görüşünü (1:0) dəyərləndirib.

Corner.Az  BBC-yə istinadən xəbər verir ki, o, rəqibdən belə oyun gözləmədiyini etiraf edib:

“İkinci hissədə daha yaxşı oynadıq. Gərgin oyun oldu. Belə matçlarda “Arsenal”ın nə qədər yaxşı oynadığını daha gözəl başa düşürsən. Onlardan belə mübarizə gözləmirdim. Biz Premyer Liqada lider olan komandanı məğlub etdik”.

“Arsenal”ı mübarizədən kənarlaşdıran “Mançester Siti” 1/8 finala vəsiqə qazanıb. Komandanın rəqibi püşkatmadan sonra məlum olacaq.