"Tottenhem”in İngiltərə Premyer Liqasının 23-cü turu çərçivəsində baş tutan “Lester Siti" ilə səfər oyununda sıradan çıxan futbolçusu Rodriqo Bentankurun durumu müəyyənləşib. Corner.az xəbər verir ki, London təmsilçisi yarımmüdafiəçinin diz bağlarında yırtıq aşkarlandığını və buna görə əməliyyat olunacağını açıqlayıb.
Uruqvay yığmasının üzvünün cari mövsümdə meydana çıxmayacağı diqqətə çatdırılıb. 25 yaşlı futbolçunun ən yaxşı halda növbəti mövsümün əvvəlinə hazır olması proqnozlaşdırılır.
Xatırladaq, Bentankur “Lester Siti” ilə oyunun 14-cü dəqiqəsində vurduğu qolla hesabı açmış, lakin ağır zədəyə görə matçın 65-ci dəqiqəsində əvəzlənmişdi. Onun komandası isə bu oyunda 1:4 hesablı məğlubiyyətlə üzləşib.
