İngiltərə Liqa Kubokunun qalibi bəlli olub. Corner.az xəbəri verir ki, həlledici oyunda “Mançester Yunayted” və “Nyukasl” komandaları üz-üzə gəlib.
“Uembli” stadionunda baş tutan final matçında “qırmızı şeytanlar” 2:0 hesablı qələbəyə sevinib. Mançesterlilərin qələbə qollarını Kazemiro (33-cü dəqiqədə) və Markus Raşford (39) vurub.
Daha öncə 1992, 2006, 2009, 2010 və 2017-ci illərdə turnirin qalibi olan “Mançester Yunayted” altıncı dəfə kuboku qazanıb.
