Arsenal'dan darmadağın, Liverpul'dan inamlı qələbə

İngiltərə Premyer Liqasında 7-ci turdan təxirə salınmış oyunlar keçirilib. Corner.az xəbər verir ki, lider “Arsenal” doğma meydanda “Everton”u qəbul edib və 3 xalı 4 cavabsız qolla qazanıb.

Günün digər matçında isə “Liverpul” “Vulverhempton”la ev oyunundan inamlı qələbəyə sevinib.

Hazırda 60 xala malik “Arsenal” vahid liderdir. İkinci pillədəki “Mançester Siti” 55, üçüncü olan “Mançester Yunayted” isə 49 xal toplayıb. “Tottenhem”in 45, “Nyukasl”ın 41, “Liverpul”la “Fulhem”in 39, “Brayton”la “Brentford”un 35, “Çelsi” və “Aston Villa”nın da 31 xalı var.

İngiltərə Premyer Liqası
7-ci turun oyunları
1 mart

Arsenal – Everton 4:0
Qol: Saka, 40. Martinelli, 45+1; 80. Edeqor, 71.

Liverpul – Vulverhempton 2:0
Qol: Van Deyk, 73. Salah, 77.