İngiltərənin “Arsenal” klubunun müdafiəçisi Takehiro Tomiyasunu uzun müddətlik sıradan çıxıb. Corner.az xəbər verir ki, yaponiyalı oyunçu Avropa Liqasının 1/8 finalında “Sportinq”ə (Portuqaliya) qarşı keçirdikləri cavab matçında sağ dizindən zədə almış və qarşılaşmanın 9-cu dəqiqəsində əvəzlənmişdi.
Ətraflı müayinələrdən sonra zədəsi ciddi olan 24 yaşlı futbolçunun əməliyyat olunmasına qərar verilib. Klubun rəsmi saytının məlumatına görə, Londonda əməliyyat olunan futbolçunun bu mövsümü erkən başa vurduğu diqqətə çatdırılıb. Onun ən yaxşı halda yeni mövsümə hazır olacağı bildirilib.
Xatırladaq ki, Tomiyasu bu mövsüm Premyer Liqada 21 oyuna çıxıb, 1 məhsuldar ötürmə də verib.
