“Mançester Siti”nin yarımmüdafiəçisi Bernardo Silva Premyer Liqa çempionluğu uğrunda “Arsenal”la sona qədər mübarizə aparacağını bildirib.
Corner.az Britaniya mətbuatına istinadən xəbər verir ki, 28 yaşlı futbolçu bunları deyib:
“Arsenal” Premyer Liqanı qazana bilər, amma biz sona qədər mübarizə aparacağıq.Burada ikitərəfli qılınc var. Bəziləri deyir ki, daha təcrübəlidirlər, bəziləri isə deyir ki, keçən mövsüm qazandılar, daha qazanmaq üçün can atmırlar. Bəs Sizcə eyni sözləri “Arsenal” haqqında da demək olar?!. Bir gün qalib gəlmək üçün kifayət qədər təcrübələri olmayacaq, amma növbəti gün onlara “Onlar heç vaxt qalib gəlmədikləri üçün qalib gəlməyə çox acdırlar” deyəcəklər. Onlar çox yaxşıdır və zirvədə yer almağa layiqdirlər.
“Arsenal”la oyun çox vacib olacaq, amma bizim başqa vacib oyunlarımız da var. Həmin oyunadək xal itirsək, onlarla görüşdə nə baş verməsinin heç bir əhəmiyyəti olmayacaq” – deyə, portuqaliyalı futbolçu əlavə edib.
