“Çelsi” klubunun baş məşqçisi postundan qovulan Qrem Potterin alacağı təzminatın məbləği açıqlanıb. Corner.az “Daily Mail”ə istinadən xəbər verir ki, London təmsilçisi istefaya göndərilən məşqçiyə 13 milyon funt sterlinq (14,8 milyon avro) ödəyəcək.
Klubun bu mövsüm məşqçilər üçün xərci 58 milyon avronu keçib.
“Çelsi” Potteri komandaya dəvət edəndə “Briayton”a rekord məbləğ - 25 milyon avroya ödəmişdi. Məşqçinin ümumi maaşı 8 milyon avro, klub isə qovulan Tomas Tuxelə 11 milyon avro ödəyib.
Potter İngiltərə Premyer Liqasının 29-cu turunda “Aston Villa” ilə matçda (0:2) uduzduqdan sonra qovulub. “Çelsi” bu mövsüm Premyer Liqada 28 oyundan sonra 38 xalla 11-ci yerdədir. Komanda Çempionlar Liqasının 1/4 finalında Madrid “Real”ı ilə qarşılaşacaq.
