“Arsenal”ın yarımmüdafiəçisi Qranit Caka Premyer Liqada “Liverpul”la görüş haqda fikirlərini bölüşüb. Corner.az xəbər verir ki, isveçrəli futbolçu “Liverpul”un təhlükəli rəqib olduğunu bildirib.
“Mövsümün necə keçməsindən asılı olmayaraq, “Liverpul” həmişə təhlükəli rəqibdir və “Enfild”də onlara qarşı oynamağımız çox çətin olacaq. Amma biz səfərdə qalib gələ biləcəyimizə inanırıq. Bunu etməyə çalışacağıq. Biz Liverpula 3 xal üçün gedəcəyik” – deyə, 30 yaşlı oyunçu bildirib.
Premyer Liqada “Liverpul” – “Arsenal” matçı aprelin 9-da Liverpulda keçiriləcək. “Topçular” 29 oyundan sonra 72 xalla turnir cədvəlinə liderlik edir. “Liverpul” isə 42 xalla səkkizinci yerdədir.
