"Tottenhem”in hücumçusu Harri Keyn İngiltərə Premyer Liqasının ən məhsuldar futbolçuları sıralamasında daha bir pillə irəliləyib. Corner.az xəbər verir ki, 29 yaşlı futbolçu buna XXIX turda “Everton”la görüşdə fərqlənməklə nail olub.
1:1 hesabı ilə başa çatan qarşılaşmada penaltidən rəqibi cəzalandıran ingilis oyunçu London klubunun heyətində qol+assistdə 250-yə çatıb. O, 311 liqa matçında 205 qol vurub, 45 məhsuldar ötürmə verib.
Keyn bu göstəriciyə çatan 6-cı oyunçu olub. O, hazırda Endi Koul (260), Rayan Giqqz (271), Frenk Lempard (279), Ueyn Runi (311) və Alan Şirerdən (324) geri qalır.
