“Vest Hem”in yarımmüdafiəçi Canluka Skamakka sosial şəbəkə hesabında paylaşım edib. Corner.az xəbər verir ki, dizindən əməliyyat olunan 24 yaşlı futbolçu bu barədə aşağıdakı sözləri yazıb:
“Əməliyyat olundum. Şübhə etmirəm ki, əvvəlkindən daha güclü qayıdacağam”.
İtalyan oyunçu mövsümün qalan hissəsində “çəkicdöyənlər”ə kömək edə bilməyəcək.
O, cari mövsümdə İngiltərə Premyer Liqasında 27 oyuna çıxıb və 8 qol vurub.
