"Mançester Yunayted"in zədəli futbolçularından bir neçəsi sıraya dönüb. Corner.az xəbər verir ki, bu barədə klubun rəsmi saytı məlumat yayıb.
Belə ki, müdafiəçilər Lük Şou və Tayrell Malasiya, yarımmüdafiəçi Marsel Zabitser və hücumçu Markus Raşford zədələrini sağaldıblar. Onlar son məşqlərdə komanda ilə birgə hazırlıq keçiblər.
“Mançester Yunayted” bu gün Avropa Liqasının 1/4 final mərhələsi çərçivəsində İspaniyanın “Sevilya” klubunun qonağı olacaq. “Qırmızı şeytanlar”ın yuxarıda adları qeyd olunan futbolçuları da İspaniyaya aparılıb. Amma onların meydana çıxıb-çıxmayacağına baş məşqçi Erik ten Haq qərar verəcək.
