"Tottenhem” İngiltərə Premyer Liqasının 32-ci turunda səfərdə “Nyukasl”a darmadağın olub - 1:6. Corner.az xəbər verir ki, qarşılaşmadan sonra London təmsilçisinin qapıçısı Huqo Lyoris azarkeşlərdən üzr istəyib:
“Rüsvayçı nəticəyə görə azarkeşlərdən üzr istəyirəm. Rəqibə heç cür müqavimət göstərə bilmədik. Zəif çıxış etdik. Birinci hissə bizim üçün çox uğursuz oldu. “Nyukasl” əla çıxış idi”.
“Tottenhem” hazırda İngiltərə çempionatının turnir cədvəlində 53 xalla 5-ci, “Nyukasl” isə 59 xalla 3-cü pillədə qərarlaşıb.
