İngiltərə Premyer Liqasının 32-ci turunda səfərdə “Nyukasl”a 1:6 hesabıyla məğlub olan “Tottenhem”in futbolçuları maraqlı jest ediblər. Corner.az xəbər verir ki, London klubunun üzvləri onları bu oyunda dəstəkləməyə gələn fanatlara bilet pullarını geri qaytarmağa qərar veriblər.
Bu barədə klubun sosial şəbəkə hesabında məlumat verilib. Açıqlamada komanda üzvlərinin “Mançester Yunayted”lə oyunda ağır məğlubiyyətin əvəzini çıxmaq üçün əllərindən gələni edəcəkləri diqqətə çatdırılıb.
Xatırladaq ki, “Tottenhem” Premyer Liqada 53 xalla 5-ci pillədə qərarlaşıb.
