“Mançester Siti”nin baş məşqçisi Pep Qvardiola “Arsenal”la oyun öncəsi fikirlərini bölüşüb.
Corner.az xəbər verir ki, ispan mütəxəssis mətbuat konfransında hər şeylərin həm rəqiblərindən həm də özlərindən asılı olduğunu bildirib.
"Mən bir neçə həftə əvvəl demişəm, mövsümün sonuna doğru uduzsaq, hər şey bitəcək.Oktyabr, noyabr aylarında belə vəziyyətdə olanda bu hissi yaşamırsınız. Xüsusilə, ardıcıl iki Premyer Liqa titulundan sonra. Premyer Liqadakı ilk mövsümümüzdə hər oyun bizim üçün final idi. Mən bunu çox yaxşı xatırlayıram. İndi isə “Arsenal”ı kənardan izləyəndə elə bir hiss yaranır ki, hər oyun onlar üçün finaldır. Nə üçün oynadığımızı bilirik. İndi hər şey öz əlimizdədir. Təbii ki, “Arsenal”ın da əlində. Qalib olsalar, hər şey onlardan asılıdır. Qalib gəlsək, hər şey bizdən asılıdır. Amma qarşıda hələ yeddi oyun var”.
