“Arsenal”ın baş məşqçisi Mikel Arteta İngiltərə Premyer Liqasında “Mançester Siti” ilə oyunu ilə bağlı fikirlərini bölüşüb. Corner.az xəbər verir ki, 41 yaşlı çalışdırıcı bildirib ki, komandası uduzacağı təqdirdə çempion ola bilməyəcək.
İspan mütəxəssis bu görüşdə hədəflərinin qələbə qazanmaq olduğunu bildirib:
“Uduzsaq, çempion ola bilməyəcəyik, bu, dəqiqdir. Rəqiblə bacardığımız qədər xal fərqini aradan qaldırmaq istəyirdik amma indi onlarla mübarizə aparırıq. Uğura inamımız var. Uşaqların necə məşq etdiyinə və necə reaksiya verdiyinə, soyunub-geyinmə otağındakı əhval-ruhiyyəyə və bir-birini necə qoruduğuna baxanda görürəm ki, həqiqətən də qələbə qazanmaq istəyirik, biz buna layiqik”.
Qeyd edək ki, “Mançester Siti” – “Arsenal” oyunu bu gün baş tutacaq.
