"Mançester Siti”nin qapıçısı Ederson İngiltərə Premyer Liqasının XXXIII turunda “Arsenal”la keçirilən oyundakı xoşagəlməz davranışla yadda qalıb. Corner.az saytı xəbər verir ki, braziliyalı qolkiper komandasının 4:1 hesabı ilə qalib gəldiyi görüşdə rəqibin azarkeşlərini məsxərəyə qoyub.
Erlinq Halandın vurduğu 4-cü qoldan sonra gözlənilməz məqam yaşanıb.Ederson “Arsenal” azarkeşlərinə üz tutub və ağlayan bəbək təqlidi edərək onları ələ salıb.
Qeyd edək ki, 75 xalla turnir cədvəlinə liderlik edən “Arsenal” “Mançester Siti”ni 2 xal qabaqlasa da, “şəhərlilər”in ehtiyatında iki oyun var.
