“Tottenhem”in hücumçusu Harri Keyn Premyer Liqa rekordunu təkrarlayıb. Corner.az saytı xəbər verir ki, 29 yaşlı futbolçu XXXIII turda “Mançester Yunayted”lə oyunda buna nail olub.
İngilis forvard 2:2 hesabı ilə başa çatan qarşılaşmada komanda yoldaşı Xın Min Sona məhsuldar ötürmə ilə yadda qalıb. Bu, Keynin çempionatda cənubi koreyalıya ümumilikdə 24-cü ötürməsidi.
Cütlük bu statistika ilə Frenk Lempard – Didye Droqba ikilisinin rekordunu təkrarlayıb. Lempard da vaxtilə “Çelsi”nin heyətində Droqbanın 24 qolunun məhsuldar ötürməsini verib.
Qeyd edək ki, Harri Keyn 2011-ci, Xın Min Son isə 2015-ci ildən “Tottenhem”də çıxış edir.
