Erlinq Haaland “Mançester Siti”də debüt mövsümündə 50-ci qolunu vurub. Corner.az xəbər verir ki, norveçli forvard Premyer Liqanın XXXIV turunda səfərdə “Fulhem”lə matçda yubiley qoluna imza atıb.
O, buna 44 görüşdə nail olub. Halanddan başqa, İngiltərə yüksək divizionu tarixində cəmi 4 futbolçu bir mövsümdə bütün yarışlarda 50 qol vura bilib. Bunlar Diksi Din (1927-28 mövsümündə 63 qol), Uik Uotson (1929-30 mövsümündə 50 qol) və Tom Uorinqdi (1930-31 mövsümündə 50 qol).
Qeyd edək ki, Erlinq Haland ötən yay Dortmund “Borussiya”sından 75 milyon avroya “Mançester Siti”yə keçib.
