“Liverpul”un hücumçusu Məhəmməd Salah Premyer Liqa tarixinə düşüb. Corner.az xəbər verir ki, o, cari mövsüm çempionatda keçirdiyi 33 oyunda 16 qələbəyə sevinərək buna nail olub.
Salah liqadakı ümumi qalibiyyət sayını 147-yə çatdırıb. Misirli forvard bunun 139-nu “qırmızılar”ın heyətində reallaşdırıb. Beləliklə, ulduz futbolçu eyni klubla Premyer Liqa tarixində ən çox qələbə sevinci yaşayan ərəb oyunçu rekordunu qırıb.
Salah eyni zamanda İtaliya A seriyasında da 53 qələbə qazanıb. Bununla o, “böyük beşlik” ölkələrində 307 görüşdə 201-ci dəfə rəqiblərinin məğlubiyyətində pay sahibi olub. Didye Droqbanı geridə qoyan Salah “Top-5” liqalarda 200 qələbə görən ilk ərəbdi.
Salah 200 qalibiyyətə ən tez çatan afrikalı kimi tarixə düşüb.
