“Liverpul”un hücumçusu Məhəmməd Salah bütün turnirlərdə ardıcıl 8 ev oyununda qol vurub. Corner.az xəbər verir ki, 30 yaşlı forvard son olaraq Premyer Liqanın XXXVIII turunda “Fulhem”lə ev oyununda fərqlənib.
Misirli oyunçu son 8 ev matçında ümumilikdə 9 dəfə rəqib qapılarına yol tapıb.
Bununla, Salah “Liverpul”un sabiq hücumçusu Luis Suaresdən sonra “Enfild Roud”da ən yaxşı qol seriyasını göstərib. Uruqvaylı 2014-cü ildə 8 ev görüşündə 8 qol vurub.
Qeyd edək ki, Məhəmməd Salah bu mövsüm “Liverpul”un heyətində 47 oyunda 29 qol vurub, 11 məhsuldar ötürmə verib.
