“Mançester Siti”nin hücumçusu Erlinq Haland Premyer Liqada “Vest Hem”lə görüşdə (3:0) qol rekordu vurduqdan sonra fikirlərini bölüşüb. Corner.az BBC-yə istinadən xəbər verir ki, 22 yaşlı futbolçu rekordlar haqqında düşündüyü təqdirdə dəli ola biləcəyini bildirib.
“Çox xoşbəxtəm və fəxr edirəm. Daha nə deyəcəyimi bilmirəm. Təbii ki, rekorddan xəbərim var idi. Şanslar yaratmağa çalışdıq və rəqib yaxşı müdafiə olunduğu üçün qol vurmaq asan olmadı. Oyundan əvvəl Qrilişlə danışdım və o, mənim rekord qol vurmağım üçün assistentlik etmək istədiyini söylədi. Həmişə olduğu kimi, qol vurmaq xoş idi. Amma bütün bu rekordlar haqqında düşünə bilmirəm, əks halda, dəli olaram. İndi evə gedəcəm, video oyunları oynayacağam, yeyib yatacağam”- deyə, futbolçu əlavə edib.
