“Tottenhem”in qapıçısı Uqo Lyoris bu mövsümü başa vurub. Corner.az xəbər verir ki, bunu London klubunda baş məşqçisi vəzifəsini icra edən Rayan Meyson açıqlayıb.
O, son müayinənin ardından 36 yaşlı qolkiperin bu mövsüm qalan oyunlarda komandasına kömək edə bilməyəcəyini bildirib.
Britaniya mətbuatının iddiasına görə, Lyoris bu ərəfədə İtaliya, İspaniya və ABŞ-dan bir neçə klubla danışıqlar aparacaq. Əgər danışıqlardan biri müsbət yekunlaşarsa fransız oyunçu londonlularla yollarını ayıracaq.
Qeyd edək ki, Uqo Lyorus Premyer Liqanın XXXII turunda “Nyukasl”la oyunda (1:6) zədələnib.
