"Mançester Siti”nin baş məşqçisi Xosep Qvardiola və futbolçusu Cek Qriliş Premyer Liqa çempionluğunu şərh ediblər.
Corner.az xəbər verir ki, “şəhərlilər”in baş məşqçisi Çempionlar Liqasının finalına qədər dincəlmək üçün hər şeyi edəcəklərini bildirib.
“Biz titulu qeyd etməliyik, əks halda, bunun mənası olmaz.Daha iki oyun keçirməliyik. İndi hiss edirəm ki, hamımız çox yorğunuq buna səbəb uzun bir mövsüm keçirməyimizdir. Növbəti turda “Brayton”la oyun çətin olacaq və bundan sonra “Mançester Yunayted” və “İnter”lə oyunlara hazırlaşmağa başlayacağıq”.
“Mançester Siti”nin yarımmüdafiəçisi Cek Qriliş isə çempion olduqlarından çox sevincli olduğunu və göyün yeddinci qatında olduğunu deyib: “Özümüzü məğlubedilməz hiss edirəm. Mən daha inamlı oynamağa başladım. Ona görə də "Mançester Siti"ni seçdim. Özümü burada daha çox göstərə bilərəm. Mən göyün yeddinci qatındayam, amma orada dayana bilmərəm”
