“Mançester Yunayted”də hücumçu Antoni Marsyalla bağlı fikir ayrılığı yaranıb.
Corner.az xəbər verir ki, baş məşqçi Erik ten Haq gələn mövsüm onu sərəncamında görməkdə maraqlı deyil.
Niderlandlı mütəxəssis hesab edir ki, fransalı forvard başqa klubda daha yaxşı çıxış edə bilər. Lakin “qırmızı şeytanlar”ın sahibi olan Qleyzer ailəsi bu qərarı dəstəkləmir. Klubun sahibləri Marsyala böyük ümid bəsləyir, ona xüsusi heyranlıqla yanaşır.
Qeyd edək ki, 28 yaşlı oyunçu 2015-ci ildən “Mançester Yunayted”də çıxış edir.
